BR LA UNION – Nangiruar ti warrant of arrest iti Makati City Regional Trial Court Branch 148 kontra kenni Atty. Levito Baligod para iti dua a bilang ti cyberlibel.
Nagramot daytoy iti indatag a reklamo ni Agriculture Sec. Francisco Tiu Laurel Jr. a naakusaran nga immawat ti kickback manipud iti anomalya dagiti flood control projects.
Mainaig ti kaso ni Baligod, narekomendaan nga agbayad ti P20,000 a piyansa tunggal bilang ti cyber libel.
Nabilin pay dagiti otoridad a suruten dagiti allagaden ti Korte Suprema seknan iti panagusar ti body-worn camera wenno dadduma pay a recording device bayat ti panangarestar iti abogado.
Kinumpirma met ni Baligod a naawat nan ti kopya ti warrant of arrest.
Ngem impaganetget na a saan a naipaayan ti gundaway a mangi-depensa ti bagi na agsipudta maipagarop a saan a nakaawat ti subpoena manipud piskalya.
Segun pay iti abogado, biddut ti address a naited kabayatan ti imbestigasyon isunga saan a nakapagsumite ti counter-affidavit.
Ni Baligod iti tumaktakder a counsel dagiti 18 a nagpabigbig a sigud a bodyguard ni sigud nga Ako Bicol Party-list Representative Zaldy Co, nga ita ket at-large gapu kadagiti kaso a sangsangwenna ditoy pagilian.
