Balligi nga intag-ay dagiti tropa ti gobierno ti bandera ti Pilipinas sadiay Sandy Cay idiay Pagasa Island, West Philippine Sea.
Daitoy ket kalpasan ti inter agency maritime operation idi Abril 27 dagiti nagbinnulig a kameng ti Philippine Navy, Philippine Coast Guard, ken PNP Maritime Group.
Segun kenni AFP Public Affairs Office Chief Colonel Xerxes Trinidad, ti nasao nga operasyon ket tapno patibkeren manen ti sovereign rights ti Pilipinas kadagiti Cays a sakopen ti 12 nautical miles ti Pagasa Island.
Innayon na pay a ti panangitag-ay ti bandera ti Pilipinas ket pammaneknek nga awan ti kinapudno na ti waragawag ti China Coast Guard a nasakop dan ti Pagasa Cay 2.
Impasiguro ti AFP nga agtalinaed da a committed iti panangsalaknib ti soberenya ti pagilian, protektaran ti maritime domain, ken ipaganetget dagiti karbengan ti Pilipinas kas maiyannurot ti international laws.
