LA UNION – Nauyos met laeng iti biagna kabayatan a maag-agasan idiay ospital ti maysa a bar goer a nadungpar iti kotse idiay Gov. Joaquin Ortega Ave., Barangay Madayegdeg, syudad ti San Fernando, La Union itattay alas-2:00 ti parbangon.
Nabigbig ti biktima a ni Jaime Garcia, 39, residente ti Barangay Sevilla ti nasao a syudad.
Naammuan ti Bombo Radyo manipud iti San Fernando City Police Station, maipagarup a naggapu manipud iti maysa a balay pagraragsakan ti biktima ken kabayatan a bumalballawiw daytoy iti kalsada ket maipagarup a dinalapus isuna ti kotse a manmanehuen ni Galileo Carino ti Barangay San Francisco, San Fernando City.
Gapu iti nakaro a pannakaiyablat ti biktima iti sementado a kalsada ken napaay a maisalakan isuna ti doktor manipud iti patay.
Kabayatanna, nnaduktalan met a nakainom iti alak ti respondent driver idi a napasamak ti aksidente ken nakabalud pay daytoy iti istasyon ti pulisya.
