LA UNION – Nasurot iti intuding a petsa ti Department of Interior and Local Government (DILG) a panangisayangkat ti synchronized Barangay Assembly idiay Sudipen, La Union.
Naamwan ti Bombo Radyo kenni PSI Allan Alog, hepe ti pulisiya ti nasao nga ili, ti nasao nga asembliya ket pinasetan dagiti 17 a barangay idi Sabado de Gloria, Marso 30, 2018.
Malaksid kadagiti barangay officials ken pulis, nakipaset pay iti nasao nga aktibidad dagiti maseknan nga umili ken residente.
Segun kenni Alog, tarigagay na a magun-od iti suporta dagiti umili para iti naduma-duma a programa dagitoy, kas koma iti kampanya kontra iligal a droga, nangruna ket nabiit pay a nagtugaw kas hepe ti pulisiya.
Malaksid ti dayta, nailawlawag pay dagiti municipal ordinances a maipatpatungpal iti agdama.
