LA UNION – Maipagarop a kritikal iti kondisyon iti maysa a barangay kagawad gapu iti sinagrap na a nakaru a pannakadun-dunor iti bagi, kalpasan a madungpar ti Bataan Transit bus iti kawatiwatan ti national highway, sakop ti Barangay Urayong, Caba, La Union.
Iti biktima ket managan Danny Estipunar, 42, addaan asawa, residente ti nasao a lugar.
Iti met respondent driver ket managan Jessi Espenicilla, 28, addaan asawa, taga probinsiya ti Pangasinan.
Maibasar iti nakalap nga impormasyon ti Bombo Radyo La Union, bumallasiw koma ti biktima iti kalsada idi aldaw kalman Easter Sunday, idi nadayamgus iti nasao a bus.
Kas resulta, nagpasar ti biktima iti nakaru a pannakadun-dunor iti bagi ken iti agdama, agtultuloy a maob-obserbaran ken matamtaming iti Intensive Care Unit (ICU) iti ITRMC ditoy syudad ti San Fernando.
Agtul-tuloy iti imbestigasyon ti pulisiya iti nasao nga insidente.
