Pinaglibakan dagiti Barangay Officials ti Barangay Marayap, Bacnotan, La Union a tinagikuada dagiti buryas nga naited kadakuada.
Iti pannakiuman ti Bombo Radyo La Union kenni Barangay Maragayap Captain Ador Gatchallian kinuna na a naited dagitoy a BURYAS kadagiti Barangay Official kas testing tapno makita no natalgeden ti lugarda manipud iti ASF.
Segun kenni Elioterio Padua nga asawa ti Barangay Treasurer, maysa laeng nga buryas ti naited kenkuana agsipudta sayang no saan a madispossed dagiti dadduma.
Kinuna met ni Barangay Kagawad Thelma Julaton pundo nga awan ti nagan na iti masterlist dagiti hog raisers ngem inaklon na nga inpaaramat na ti ID daytoy iti tao a rumbeng a mangala iti buryas. Adda metten kuna na ti nagtungtunganda iti makinkukua ti buryas.
Iti sabali a bangir, naikkan met ti buryas ni Barangay Kagawad Marcelo Boado Sr., ngem inted na met laeng daytoy iti maysa kadagiti kalugaranda a marigrigat.
Impaganetget pay ni Gatchallian a mismo a ti Bacnotan Municipal Veterinary Officer a managan Rita ti nangibaga kadagitoy a pang-testing laeng dagiti naited a buryas kadagiti hog raisers no sadino obserbaranda dagiti nasao nga ayop iti uneg ti dua a bulan
Kabayatan na, segun kenni Dr. Divina Gracia Apigo a saan nga mailibak nga naapektaran ti ASF dagiti Barangay Maragayap Nangalisan, Ubbog ken Paagan, Bacnotan, La Union nupay kasta naipaayan dagitoy ti tulong.
Naipaayan dagitoy ti grocery ken bagas, kanayonan a 25 kilos ken sag-tunggal P1,000 kadagiti amin a na kuryente nga baboy.
Kinuna met ni Dr. Marina Rita Aquino, a nabagaanen dagiti hog raisers nga tarimaanen dagiti kulongan dagiti baboy dagitoy ken arigna ipalubosda pay nga uray iyakarda iti sabali a lugar laketdi saan nga lumbes manipud iti 500 meter radius nga apektado ti ASF.
Mainaeg iti daytoy, impaganetget pay ni Dr. Apigo a saan a dispersal ti naaramid kadagiti buryas ngem ketdi dagitoy ket pang testingan laengen.
