BR LA UNION – Pormal a nagtugaw kas baro a Regional Director iti Police Regional Office One, ni Police Brigadier General Dindo Regis Reyes kasukat ni Police Brigadier General Lou Frias Evangelista, a nagtakem ditoy rehiyon uno ti maysa a tawen ken innem a bulan.
Naisayangkat ti seremonya ti turnover of command idi kalman iti PRO-1 Auditorium idiay Camp BGen Oscar M. Florendo, Parian, San Fernando City, La Union.
Ni Police Lieutenant General Jose Melencio Nartatez, Jr., agdama a Deputy Chief PNP for Administration, iti nangibagi kenni Chief Philippine National Police P/Brigadier General Nicolas Torre III, tapno idaulwan ti turnover of command.
Dimmar-ay pay iti nasao a programa dagiti opisyal iti naduma-duma nga ahensiya ti gobyerno ken amin a miyembro ken personnel ti PRO-1.
Naraem ni General Evangelista kadagiti naaramidanna para iti rehiyon uno, partikular kadagiti nagbalin a wagas na tapno agtalinaed iti peace and order iti intero a rehiyon, dagiti programa para kadagiti agtutubo, police community academy ken pannakapa-pigsa iti operational capabilities ti PRO-1 babaen kadagiti kabarwanan nga arwaten ken pasilidad.
Kabayatanna, iti panagbetla na ni PBGen Dindo Regis Reyes, nangipeksa ti panagyaman iti talek nga impaay kenkuana ti lideratro ti PNP.
Siniguro na ti sibubukel a commitment na tapno suruten ken ipatungpal dagiti marching orders ti Chief PNP.
Partikular a dinakamat ni PBGen Reyes iti vision na nga “Every officer under my command must live by this: Ang ating pulis ay dapat Maasahan; Malalapitan; at Mapagkakatiwalaan.”
Ni Reyes ket miyembro ti PNPA “Patnubay” Class of 1995 ken nagserbi a Director of the PNP Retirement and Benefits Administration Service (PRBS) sakbay a nadutukan kas PRO 1 Regional Director.
