LA UNION – Na-ospital ti maysa a baro kalpasan a bagsolen daytoy ti bukodna a kabsat idiay Barangay Upper San Augustin, ili ti Bauang, La Union.
Nabigbig ti biktima a ni Jorge Sandaga, 38; bayat a ti suspek ket ni Pedro Sandaga, 57, agpada a residente ti nasao a lugar.
Naammuan ti Bombo Radyo manipud ti Bauang Police Station, maipagarup a nagiinom dagiti agkakabsat sakbay a napasamak ti krimen.
Rissua ti susik iti baetan dagiti dua idi a nabartekdan.
Nangala iti kutsil ti inauna kasaruno ti pammagsol iti naminpito a daras ti ub-ubing a Sandaga.
Dagus a naiturong iti ospital ti biktima tapno mataming dagiti sugat a nilak-amna manipud ti insidente.
Nakabalud met itan ti suspek idiay police station.
Kabayatanna, nangipeksa met ti panagbabawi ti suspek gapu ti inaramidna a krimen.
