LA UNION – Nakapasar iti dunor ti naduma-duma a paset iti bagina ti maysa a 21-anyos a baro kalpasan a naaksidente iti manmanehuenna a kotse idiay diversion road iti Barangay Bangcusay, syudad ti San Fernando, La Union.
Nabigbig ti biktima a ni Gerald Salasar, residente iti Barangay Bacsayan, San Juan, La Union.
Naammuan iti Bombo Radyo manipud iti San Fernando City Police, kabayatan nga agmanmaneho ti biktima iti kotsena ket sinabat daytoy iti sabali pay a behikulo.
Maipagarup nga inlisi ni Salasar iti kotsena iti nadakamat a behikulo tapno maliklikan iti panagdinnungpar dagitoy ngem naitapuak iti patyas.
Dagus a naiturong iti ospital ti biktima tapno maagasan.
