LA UNION – Dead on the spot ti maysa a lalaki kalpasan daytoy nga minartilyo ti kabsat na idiay Barangay Puzon, Rosario, La Union agarop 1:27 ita nga malem.
Nabigbig ti biktima a ni Pablito Gatchalian Jr., 48, idinto a ti suspek ket ti kabsat na a ni Artemio Gatchalian, 62, addaan asawa, agpada nga residente ti nasao a lugar.
Maibasar iti report manipud iti Rosario Police Station, madama iti panagin-inom ti arak iti ti agkabsat iti balay ti biktima idi maaddaan dagitoy ti saan a nagkinaawatan.
Maipagarop a minartilyo ti suspek iti ulo ti biktima ken nagsagaba iti nakaro a sugat daytoy no sadino dagus daytoy nga naiturong iti Rosario District Hospital ngem naideklara a dead on arrival.
Iti agdama ket agtaltalinaed iti kustodiya dagiti otoridad ti suspek para iti kanayunan nga imbestigasyon.
