LA UNION – Natay ti maysa a beach goer kalpasan a nalmes daytoy idiay surfing area ti Barangay Urbiztondo idiay ili ti San Juan, La Union.
Nabigbig ti biktima a ni Romy Niu, 56, residente ti Barangay Biday, syudad ti San Fernando.
Naammuan ti Bombo Radyo manipud iti San Juan Police Station, sakbay ti insidente ket maipagarup a naragsak nga agiinum ti biktima ken dagiti gagayyemna iti maysa a cottage.
Maipagarup a nagtulag nga agdidigos idiay baybay dagiti ag-gagayyem agingga nga ingawid iti danum ni Niu.
Immarayat met dagiti surfer iti nasao a lugar ngem nauyos met laeng iti biag ti biktima kalpasan a maiyaon daytoy manipud ti baybay ken naiturong iti ospital.
