LA UNION – Namonitor ti Bureau of Fisheries and Aquatic Resources iti aganay 90 violations iti maritime laws ti pagilian iti napalabas a bulan.
Nadiskubre daytoy ti BFAR babaen iti panangusar ti Dash-8 surveillance aircraft ti Canada.
Iti immuna a deployment iti eastern seaboard ti pagilian, naaramid da ti agpatrolya iti uneg ti 22,000 kilometro babaen iti radar ken camera tapno mabantayan dagiti sea violations a posible a marigatan a bantayan dagiti patrol boats.
Segun kenni BFAR – Fisheries Resources Management Division OIC Roy Ortega, agserbi daytoy a maysa nga eye-opener iti law enforcement operations ti BFAR.
Sigud a dagiti laeng surface assets iti maidep-deploy iti kabaybayan ken limitado ti panagpatrolya dagitoy.
Ngem babaen ti Dash-8 surveillance aircraft, mas nalawlawa a maritime areas iti pagpatrolyaan iti uneg laeng ti sumagmamano nga oras.
Nairuar ti findings babaen ti Operation Bantay Lawud (sea guardian), maysa a joint aerial patrol ken capacity-building mission nga inyuswat ti fishery agency ti Canada kadwa ti BFAR.
