Inruar ti Bureau of Fire Protection (BFP) ti listaan dagiti rehion nga adu ti nairekord nga insidente ti uram manipud Enero agingga iti Nobiembre 2024.
Kangatuan ti NCR iti listaan nga addaan iti 3,408 nga insidente ti uram, sarunuen ti Region 6, a nakairekord iti 3,334.
Maikatlo met ti CALABARZON nga addaan iti 2,045 nga insidente ti uram.
Iti maikapat a puesto ket ti Region 7 a dimmanon iti 1,881 a kaso dagiti insidente ti uram ken maikalima ti Region 11 nga addaan iti 1,620.
Ti kangrunaan a pagtataudan ti uram ket ti open flame manipud iti basura, bonfire ken structural fire, a sarunuen ti electrical ignition, ken maikatlo ti uram a patauden ti LPG, stove, ken fire wood.
