Saan nga ilaksid ti Bureau of Immigration (BI) iti posibilidad a pimmanawen ni Senador Ronald dela Rosa ditoy Pilipinas.
Segun kenni BI spokesperson Dana Sandoval, posible a nagusar dagiti backdoor channels wenno hidden tunnels paruar iti pagilian kas kadagiti remote ports.
Nupay kasta, impanamnama ni Sandoval a nainget a mabandatayan dagiti maibilang nga illegal migration corridors babaen iti tulong ti Philippine National Police, Philippine Coast Guard, ken lokal a gobierno.
Kinunana pay a dagus a maal-alerto iti BI no adda ti gandat nga aglibas, pakairamanan ti kinasiasino dagiti maharharang nga indibidual.
Maibasar iti opisial a rekord ti BI, awan pay ti nairekord a panagruar ti pagilian ni Dela Rosa.
Daytoy ket iti tengnga ti agdama nga Immigration Lookout Bulletin Order kontra iti senador. Impasigurado ni Sandoval a no makita ni Dela Rosa kadagiti airports ket dagus a maidanon daytoy kadagiti pannakabagi ti linteg para iti maitutop nga aksion.###
