BR LA UNION – Nagballaag manen iti liderato ti Bureau of Immigration iti publiko seknan dagiti ”love scam” job offers iti sabali a pagilian.
Inaramid ti ahensya iti palagip kalpasan a maisalbar ken maiyawid ditoy pagilian iti 24-anyos a Filipino manipud Cambodia a napuwersa nga agtrabaho iti maysa a “love scam” hub idiay Phnom Penh .
Segun kenkuana, naikaryan ti trabaho kas customer service representative para iti maysa nga online betting company.
Inlawlawag ti biktima a nakaawat ti job offer manipud iti sigud a katrabahuan na.
Nagluas daytoy ket nagturong idiay Taiwan sakbay a nagturong idiay Cambodia.
Idi simmangpet iti nasao a pagilian ket imbaga ti employer a makisarita kadagiti American citizens babaen ti social media ken applications.
Kinuna na a nu saan da a magun-od ti naituding a quota ket masaktan da, isunga mapilitan da nga agtrabaho ken gun-oden ti quota.
Siniguro met iti gobyerno ti amin a tulong para iti biktima kalpasan a nagsublin ditoy Pilipinas .
Agtultuloy iti panangtulong ti ahensya iti dadduma pay a kaso ti human trafficking a mangbik-biktima iti Pilipino.
