Inawat ti Bicameral Conference Committee iti baro a listaan ti farm-to-market roads (FMR) projects nga agbalor ti ₱8.9 billion nga inpasa ti Department of Agriculture (DA), kasukat dagiti proyekto nga immunan nga inaprobaran ti Senado ken Kamara idi Disiembre 13.
Segun kenni Senate Committee on Agriculture Chairman Senador Kiko Pangilinan, nakalanad iti surat ni DA Secretary Francisco Tiu Laurel Jr. idi Disiembre 15 iti sabali a set dagiti FMR projects nga aggatad ti ₱8.9 billion, nupay agtaltalinaed a P33 billion iti pakabuklan a proposed budget ti nasao a proyekto.
Inlawlawag ni Pangilinan, saan a nanayunan iti pondo ngem nasukatan iti paset dagiti proyekto a naaprobaranen ti Bicam.
Kinuwestiyon ni Senadora Loren Legarda iti saan a panakailanad ti ₱8.9 billion FMR projects iti National Expenditure Program (NEP) ken ti naaprobaran nga House General Appropriations Bill (HGAB).
Pagdandanagan ti senado nga iti last-minute swapping dagiti proyekto kat mabalin a tuladen dagiti dadduma nga ahensia ti gobierno nu mapalubusan.#
