Naballigi a natiliwan dagiti kameng ti Bureau of Immigration ti maysa a babai a mapapati a biktima ti mail-bride syndicate sadiay Ninoy Aquino International Airport Terminal 3.
Binigbig ti BI Immigration Protection and Border Enforcement Section (I-PROBES) ti biktima a ni Chief Mary Jane Hizon, alyas Amy, agtawen ti 27.
Maibasar iti datos, na-intercept ti biktima idi Enero 2, 2025 idi ginandatna a liklikan ti immigration inspection ken nagpammarang a turista nga addaan iti biahe nga agturong idiay Bangkok, Thailand.
Napaay ti biktima a nangiparang kadagiti mainaig a dokumento, partikular ti pasaporte ken boarding pass.
Segun kenni alias Amy, tengtenglen daytoy ti maysa a lalaki a naam-ammona iti maysa a restaurant sadiay NAIA Terminal 3.
Pinadas ti biktima nga ipakita ti retrato ti pasaporte ken boarding pass na ket naduktalan nga adda peke nga immigration stamp daytoy.
