LA UNION – Madanagan ti grupo a Save the Children ta nasurok a 21,000 nga ubbing ti mapukpukaw idiay Gaza sipud idi nangrugi ti gubat sadiay.
Segun iti non-governmental organization, mabalin nga adda nasurok nga 4,000 nga ubbing a mabalin a nagaburan dagiti narba a pasdek a nadadael bayat ti kangitingitan ti gubat.
Idinto nga agarup 17,000 ti mapapati a naisina iti pamiliada.
Bayat a kumarkaro ti panangraut ti Israel idiay Gaza, umad-adu ti bilang dagiti mapukpukaw nga ubbing.
Maipalagip nga umuna a kinuna ti United Nations a saan a natalged ti Gaza a pagnaedan dagiti ubbing gapu iti nakaro a riribuk.
