LA UNION – Nanayunan pay ti bilang dagiti natay iti panagduprak ti bagyo Kristine ditoy Pilipinas, umaboten ti 85 nga indibiduwal .
Segun kenni Office of Civil Defense (OCD) Undersecretary Ariel Nepomuceno, iti nasao a bilang ket ma-validate pay tapno maamwan nu adda pakainaigan iti bagyo ti pannakatay dagiti 85 a tattao.
Kinuna na a manayunan pay ti nasao a bilang, nangruna ket agsangpeten dagiti reports manipud kadagiti naapektaran a rehiyon, iti opisina da.
Segun kenn Usec. Nepomuceno, namnamaen a ngumato pay ti nasao a death toll agsipudta adda pay nasurok 41 nga indibiduwal ti mapukpukaw.
Kaadwan a natay ket biktima iti landslides ken panaglayos.
