LA UNION – Imbinglay ni First Lady Liza Araneta-Marcos iti maysa a ladawan kadwa na iti dua anak ni Kris Aquino nga isuda Bimby ken Josh, kabayatan ti panagbisita dagitoy iti opisina ti First Lady iti uneg ti compound ti Malacanang Palace.
Iti facebook post ni First Lady Liza Marcos nagyaman iti panang-bisita kenkuana dagiti kaanakan ti pimmusayen a Presidente Noynoy Aquino.
Segun iti First Lady, maragsakan iti panagbisita ti dua nga anak ti aktres a ni Kris Aquino nga adda idiay Amerika gaputa sadiay nga agpapa-agas iti sakit na a rare autoimmune disease.
Ammo iti kaadwan a Pilipino, nga agkalaban iti pamilya Aquino ken Marcos gapwanan ti pakasaritaan ti pulitika ditoy Pilipinas.
Isunga, adu iti naklaat ken naragsakan iti Nakita a ladawan iti FB post ti First Lady.
Kaadwan a komento ket naragsakan ken ibagbaga da a dayta ket simbolo ti kapya, panagkaykaysa, kinapa-kumbaba, ken kina-mannakaawat.
