BR LA UNION – Awan pay ti makitkita a pangta ti Malacañang nga “energy lockdown” wenno panagkurang iti suplay ti kuryente ken langis ditoy pagilian laksid ti kumarkaru a riribok idiay Middle East.
Segun kenni Palace Press Officer Undersecretary Claire Castro, iti agdama ket adayu pay ti pagilian iti sitwasyon a kas idi dekada ’70 a naaddaan ti fuel rationing ken carless days.
Segun iti Palace Official, kas paset ti contingency plan ti administrasyon Marcos, aktibo nga agsap-sapol iti Department of Energy (DOE) ken Department of Foreign Affairs (DFA) iti alternatibo a pagalaan ti petrolyo a saan a mangnamnama idiay Middle East.
Imbaga ni Castro, iti report ni DOE Undersecretary Sharon Garin, manarimaan ti pannaki-dayalogo ti Pilipinas kadagiti pagilian nga India, Argentina, ken Canada tapno masiguro nga agtul-tuloy ti imbentaryo ti langis ditoy pagilian.
Innayon pay ni Castro, bayat a mangnamnama ti gobyerno iti maysa a diplomatiko a resolusyon iti baetan dagiti aglalaban a pagilian, saan met nga agsardeng ti Presidente iti panagsagana tapno maliklikan iti anyaman a worst-case scenario a mangparigat kadagiti Pilipino.
