Impeksa ti Bureau of Internal Revenue ti naan-anay a suporta iti nabiit pay nga naipasa nga baro a linteg a manglaban iti kaso ti agricultural smuggling ken hoarding ditoy pagilian.
Maipalagip nga pinirmaan ni Presidente Ferdinand Marcos Junior ti Republic Act No. 12022 wenno ad-adda a pagaammo kas Anti-Agricultural Economic Sabotage Act.
Segun iti BIR, nakasaganadan a mangideploy kadagiti personnel para iti pannakaipatungpal dagiti katupag nga addang.
Kinuna ti ahensia a karaman ti linteg dagiti ar-aramidenda a manglapped iti maiparit a transaksyon ditoy Pilipinas.
Naragsakan met dagiti mannalon iti daitoy a desision ni Presidente Marcos Jr. a pinirmaanna ti nasao nga singasing tapno agbalin a naan-anay a linteg.
Kinunada, makatulong daitoy tapno madusa dagiti negosiante a nabayagen a manggungundaway kadakuada.
