BR LA UNION – Naimatangan iti naisang-sangayan a total lunar eclipse idi rabii iti intero a tangatang ditoy Pilipinas.
Segun iti Philippine Atmospheric, Geophysical and Astronomical Services Administration (PAGASA-DOST), nangrugi ti pakabuklan nga eclipse agarop alas-7:04 idi rabii, immabot iti maximum peak iti alas-7:34 PM ken nalpas iti oras alas 8:03 PM, wenno nagpaut iti pakabuklan nga 59 a minuto.
Iti lunar eclipse ket mapasamak nu iti Earth ket dumalyasat iti baetan ti init ken bulan, isunga iti aniniwan ti lubong ket tumakkab iti bulan.
Iti panawen ti totality, agbalin a kolor nalabbaga iti bulan, isunga naawagan a “Blood Moon” agsipudta iti atmosphere ti lubong ket ag-sagat ti lawag manipud iti init, lapdan na iti babassit nga asul a wavelength ken mabaybay-an iti nalabbaga a lawag a dumanon iti bulan.
Makita ti pakabuklan nga eclipse, saan laeng a ditoy Pilipinas, ngem uray pay iti East Asia, idiay Australia, Central Pacific, ken kaadwan idiay Americas.
Idiay Manila, nangrugi a nakita ti bulan agarop alas 5:58 ti malem ken apagapaman a nagbalinen nga eclipsed, ken naan-anay a nakarwar manipud iti penumbral shadow agarop alas 10:25 idi rabii.
Segun kenni weather specialist Chenel Dominguez, namnamaen a generally fair weather iti dakkel a paset ti pagiian, isunga nalawag a nabuya iti eclipse.
Inlawlawag dagiti eksperto nga awan ti rumbeng a pagbutngan iti maaw-awagan a Blood Moon, maisupadi iti da-an a pammati a maikonektar iti dakes a pasamak.
Ti nasap a pasamak ket maysa kadagiti pagu-uray nga astronomical events ti tawen.
Saan a kas ti solar eclipse a makita laeng iti bassit a paset ti lubong, iti lunar eclipse ket maimatangan amin nga adda iti night side ti Earth.
Para kadagiti Pilipino, daytoy ket maysa a gundaway tapno maimatangan iti pintas ti aglawlaw ken mapapisa ti interes iti astronomy ken dadduma pay a kapada a panagadal.
