LA UNION – Naminsan manen a nakaawat ti panangbigig ti Bombo Radyo La Union manipup ti Office of Civil Defence (OCD) Region-1 iti naangay a Bakas Parangal Awarding Ceremony 2017 idiay ili ti Bauang, La Union.
Iti naipaima a certificate of appreciation ti Bombo Radyo La Union manipud iti OCD Region-1 nga imatmatunan ni Regional Director Melchito Castro ket binigbigna ti estasyon a tumultulong iti nasao nga ahensya tapno maiwaragwag ti umno nga impormasyon kadagiti umili kangrunaan iti panawen ti kalamidad.
Kabayatanna, adda met dagiti organisasyon ken personalidad a naipaayan ti panangbigbig gapu iti kontribusyon dagitoy ken sakripisyo tapno agbalin nga epektibo iti panangipatungpal ti disaster risk reduction and management services ti OCD. (Absalom Flores)
