LA UNION – Pakaidayawan ti Bombo Radyo La Union iti panangbigbig ti provincial government daytoy nga istasyon ti radyo, kalpasan nga immawat ti Kampeon Ti Lengguahe Award, manipud provincial capitol idi malem kalman.
Mismo a da Station Manager Elmer Tubiera ken Acting Assistant Manager Pearl Dacuag iti immawat ti nasao nga pammadayaw kagiddan ti mai-ka 168 a La Union Founding Anniversary idi kalman, March 1, 2018 nga addaan ti tema a “Spread the Love”.
Naamuan a ti laeng Bombo Radyo ti kakaisuna a media entity iti nakaawat ti nasao a pammadayaw, gaputi panangitandudo na iti lengguahe nga Iloko agingga idiay abroad babaen iti panangipadamag.
Inabak ti Bombo Radyo iti dadduma nga AM ken FM radio stations ditoy probinsiya, a nagbalin a nominado iti Sectoral Category.
Kabayatanna, iti individual category, iti Kampeon ti Lengguahe Award ket naited kenni Ms. Elsa Calado ti City Schools Division wenno DepEd San Fernando.
Malaksid pay ditoy iti panagaramat ti lengguahe nga Iloko kadagiti promo ken patalastas.
Kabilang pay kadagiti immawat ti pammadayaw ket dagiti suldado, pulis, teacher, barangay officials ken dadduma pay.
