BR LA UNION – Nabigbig iti Bombo Radyo Philippines kas Best Radio Network iti presihiyoso a Pro Patria Journalism Awards, maysa a recognition program a tinawen nga isay-sayangkat ti Rotary Club of Manila.
Naited ti award kabayatan ti panang-selebrar ti Rotary Club of Manila iti Philippine Independence Day idi rabii, June 11, 2026 idiay Makati City.
Iti citation, binigbig ti awards committee iti long-standing commitment ti Bombo Radyo Philippines, iti panangipaay na ti mapagtalkan a dam-damag, impormasyon ken serbisyo publiko kadagiti umili iti intero a pagilian.
Nakailanad iti citation, a ti Bombo Radyo Philippines ket agtaltalinaed a maysa kadagiti “most trusted source of news and information” ken napadayawan ti network gaputi nabileg a presensiya na kadagiti probinsiya ken nakapamaysa kadagiti programa pang-komunidad, consistent pay iti panangidanon kadagiti kabarwanan a damag ken serbisyo publiko kadagiti ordinaryo a Filipino.
Naraem pay iti napateg a papel ti Bombo Radyo iti tiyempo ti bagyo, kalamidad, ken emerhensiya, babaen iti tulong dagiti istasyon daytoy tapno maimpormaran ti komunidad ken agbalin dagitoy a natalged.
Saan a mailibak iti nabukel a reputasyon ti Bombo Radyo Philippines nu maipapan iti public service ken pudno nga agserbi iti komunidad, ken maiparbeng laeng a maipaay iti network ti nasao a pammadayaw.
Iti Pro Patria Journalism Awards ket maysa kadagiti respetado a programa ditoy pagilian a mangbigbig iti kinapateg ti papel ken pagrebbengan ti media iti panangidanon kadagiti napapateg ken umno a dam-damag.
Ti termino a “Pro Patria” ket maysa a Latin phrase a ti kayatna sawen ket “para iti pagilian” ken pagsarmingan ti nasao nga award a mararaem dagiti journalists ken media organizations a mangitantandudo ti kinapudno, mangpabileg iti demokrasya, mangitantandudo ti patriotismo, ken panagserbi iti ili babaen ti responsable a panagipadamag.
Iti award ket bigbigen na dagiti media practitioners ken institusyon a mangipakpakita ti patas, kinatured, kinapudno, addaan ti moral responsibility, nawaya a panagirakurak, ken saan nga agliway a mangidanon iti napapateg nga impormasyon iti publiko.
Babaen iti panangi-presintar ti Rotary Club of Manila, ti kaunaan ken oldest Rotary club iti Asia, nabuangay idi 1919— iti Pro Patria Journalism Awards ket nagbalin a maysa a flagship recognition program ti organisasyon ken maysa kadagiti kalatakan a mangraraem iti Philippine journalism.
Para iti BOMBO RADYO PHILIPPINES, ti pannakabigbig na ket mangipakpakita ti commitment daytoy iti responsible broadcasting ken public service, ken agtultuloy ti panagserbi kadagiti milyon a Pilipino iti intero a pagilian, babaen kadagiti 32 strong, dominant ken fully digitalized AM and FM stations.
Iti nasurok innem itan a dekada sipud naipasdek idi July 6, 1966, iti Bombo Radyo Philippines ket nagbalinen a pagsanggiran ken mapagtalkan a kadwa dagiti Pilipino iti tiyempo ti ballaygi, krisis, ken anyaman a pannubok.
Nakasagana latta nga agserbi – iti eleksiyon, kalamidad, anyaman nga isyu ditoy pagilian, ken uray iti inaldaw-aldaw nga istorya ken pasamak iti intero a komunidad.
Idi kangitingitan ti Martial Law, iti laeng Bombo Radyo Philippines ti kakaisuna provincial radio network a nangidanon kadagiti pasamak, direkta manipud Malacañang ken Metro Manila, para kadagiti audience kadagiti probinsiya.
Nalawag ti misyon daytoy a: to inform truthfully, report fearlessly, and serve responsibly.
Kadagitoy a panagdalyasat ken panagballaygi ti network, makita iti liderato ni DR. ROGELIO M. FLORETE, Chairman ti Florete Group of Companies, maysa a diversified conglomerate nga addaan ti business interests iti media babaen ti Bombo Radyo Philippines— malaksid laeng ti bangko, bulk water supply, property development, pawnshop and jewelry, aquaculture and agriculture, ken dadduma pay.
