Ilaklakon ti Hollywood actor a ni Brad Pitt iti balay na idiay Los Angeles kalpasan a sinerrek dagiti agtatakaw idi napalpalabas a bulan.
Segun iti real estate, iti Los Feliz property ket addaan ti tallo a kwarto ken dua a banyo.
Nagatang daytoy ti aktor idi 2023 manipud kenni Aileen Getty iti gatad a 5.5 million dollars.
Idi napalabas a lawas ket nakagatang met laeng iti aktor ti balay idiay Los Angeles nga agbalor ti 12 million dollars manipud kenni Dave Keuning, iti gitarista ti banda a The Killers.
