Binalakadan ti Bangko Sentral ng Pilipinas (BSP) nga iti panangipatungpal ti enhanced due diligence (EDD) kadagiti cash withdrawal ti nasurok ₱500,000 ket tunggal customer ken saan a tunggal transaction basis.
Ti inruar a memorandum ni BSP Governor Eli Remolona Jr., ti palawag ket tapno masigurado nga awan ti delay kadagiti lehitimo a transaksion.
Binalakadan da met dagiti bangko a kissayan iti proseso para kadagiti customer ken isuro met dagiti staff nga agbalin nga epekitibo iti panangipatungpal ti nasao a pammilin.
Nagtaud ti pammilin idi napalabas a tawen kadagiti nasurok a kagudua million nga over-the-counter withdrawals tapno maliklikan ti money laundering.
Dagiti customers a tarigagay nga agwithdraw ti nasurok kagudua a million ket kasapulan a mangipakita dagiti dokumento kas iti deed of sale o hospital bill.
Agbalin a nairut ti due diligence check no adda ti mapagduduaan a transaksion dagiti customers.###
