Dinagadag ni ACT Teachers Party-list Representative France Castro iti gobierno a nayunan ti badyet para kadagiti programa ti Disaster Risk Reduction imbes nga iti confidential intelligence funds.
Daytoy ti kiddaw ni Castro iti baet ti naaramid a perdisyon ni Bagyo Kristine.
Inlawlawag ni Castro a saan nga umdas ti maited a tulong kadagiti kailian a biktima ti didigra no saan a maited ti naan-anay nga atension iti pannakapapigsa dagiti programa a mangkissay iti peggad ti didigra.
Impaganetget ni Castro nga awan dapat a Pilipino ti agbiag iti buteng ken bisin tunggal adda didigra a dumteng ditoy pagilian gapu iti kinaliway ti gobierno.
