BR LA UNION – Inwaragawag ni House Committee on Justice chair Gerville Luistro a nalab-labes payen ngem probable cause dagiti nakalap nga ebidensiya kontra kenni Vice President Sara Duterte tapno i-impeach daytoy.
Segun iti mammanday linteg, ipak-pakita dagiti nasao a dokumento a naiprisenta iti impeachment hearing idi Miyerkoles, Abril 22, dagiti dadakkel a bank transactions da VP Sara ken asawa na a ni Manases Carpio, banag a saan a maitunos iti pinagtitipon da a pakabuklan a kinabaknang kasta mette iti non-disclosure ti cash ken bank deposits para iti innem a tawen.
Daytoy ket malaksid laeng iti notices of disallowances nga inyisyu ti Commission on Audit para iti nabusbos a confidential fund ti Office of the Vice President nga agbalor ti pakabuklan nga P448 million.
Kinuna na a dagitoy ti mangkumpirma kadagiti alegasyon iti dua a reklamo nga impeachment kontra iti Bise Presidente.
Kinuna ni Luistro a napaneknekan ti mayorya dagiti miyembro ti Justice panel nga adda basaran dagiti alegasyon iti reklamo base kadagiti rimwar nga ebidensiya iti hearing idi miyekoles.
