Naalarma ti Bureau of Immigration kalpasan ti report ti kabaroan manen a panaggandat dagiti blacklisted foreign nationals nga aglibas ditoy pagilian babaen ti “backdoor,” sakay ti maysa a bangka idiay Tawi-Tawi.
Segun kenni Bureau of Immigration Commissioner Joel Anthony Viado, inarestar dagiti operatiba ti intelligence unit ti ahensya dagiti dua a Chinese nationals nga isuda Li Yu, 27-anyos, ken Liu Fei, 35-anyos kalpasan nga sitaen ida ti Maritime Police Station ti probinsya.
Bababen ti panagpaliiw da, natakuatan ti grupo dagiti dua a Chinese a lallaki a lubbon ti maysa a barko manipud Zamboanga City.
Impaam-ammo da ti agbagagi da usar dagiti ladawan ti pasaporte ken napagammuan nga isuda ket agnanaed idiay Parañaque.
Makikokoordinaren ti monitoring team kadagiti operatiba ti Immigration tapno maberipikar ti pudno a pakabigbigan dagiti dua ken nu isuda ket karaman kadagiti blacklisted kasaruno ti pannakailasin da idi 2023 kas undocumented and undesirable aliens gapo iti panagtrabaho ti establisyimento a karaman ti prostitusyon ken labor exploitation.
Kabayatanna, agpada da pay a binigbig ti pagilian a China kas pugante gapo kadagiti kaso da a financial fraud.
Maiyakar da ti pasilidad ti Bureau of Immigration sadiay Taguig a pagtalinaedan da kabayatan ti panaguray para ti deportasyon.
