Balligi a kinumpiskar dagiti personel manipud Bureau of Plant Industry ti agingga 19 container vans manipud Manila South Harbor.
Kiniddaw iti BPI iti BOC a sanen nga iruar dagiti container vans kalpasan a maduktalan da a saan nga umiso dagiti deklarasyon ti linaon dagitoy a kargamento.
Kinuna ni Department of Agriculture-Bureau of Plant Industry Director Gerald Glenn Panganiban a naideklara dagiti kargamento a naglaon ti 550 metric tons ti frozen fried taro sticks, taro sweet potato balls ken dadduma pay a klase dagiti frozen food products.
Kabayatanna, nakanagan ti nasao nga shipment iti Straradava a nakasangpet ti sangladan ti Pilipinas idi Enero 21.
Impasiguro met ni Agriculture Secretary Francisco Tiu Laurel Jr. nga agtalinaed a committed ti ahensya iti pannakaipatungpal ti Anti-Agricultural Economic Sabotage Act.
Panggep da a maikkan ti proteksyon dagiti konsyumers ken mabantayan ti interes dagiti lokal a mannalon.
