LA UNION – Inyanunsyo ti Food and Drugs Administration (FDA) iti mas kabaelan itan a presyo dagiti agas para iti sakit a cancer, diabetes ken mental health kalpasan a maikkat ti buwis a maipat-pataw kadagitoy.
Maibasar iti Republic Act No. 11534 ti section 12 wenno Corporate Recovery and Tax Incentives for Enterprises (CREATE) Act, maipaayan ti exemption iti Value Added Tax (VAT) dagiti napili nga agas iti naduma-duma a sagubanit.
Maibasar iti Implementing Guidelines ti Value-Added Tax (VAT) Exemption para iti dadduma pay a Health Products, nakailanad iti joint administrative order ti ahensya nga epektibo daytoy apaman nga iruar ti FDA iti opisyal nga advisory nga ipasa ti ahensya iti Bureau of Internal Revenue (BIR), Bureau of Customs, ken Department of Trade and Industry para iti implementasyon.
Idi Lunes, Nobyembre 25, ket opisyal nga inruar ti DFA iti napalawa a listaan a pakairamanan dagiti sumaganad nga agas iti Cancer; Degarelix 80 mg, 120 mg, Tremelimumab 25 mg/1.25 mL (20 mg/mL), ken Tremelimumab 300 mg/15 mL (20 mg/mL).
Para iti sakit a Diabetes; Sitagliptin 25 mg, Sitagliptin (bilang hydrochloride) + Metformin Hydrochloride 50 mg/1 g, Sitagliptin (bilang hydrochloride) + Metformin Hydrochloride (50 mg/850 mg), Sitagliptin (bilang Hydrochloride) 25 mg, Sitagliptin (bilang Hydrochloride) 50 mg, Sitagliptin (bilang Hydrochloride) 100 mg, Sitagliptin (bilang hydrochloride monohydrate) 25 mg, Sitagliptin (bilang hydrochloride monohydrate) 50 mg, ken Linagliptin 5 mg.
Bayat a ti agas para Mental health ket iti; Clomipramine Hydrochloride 25 mg, Chlorpromazine (bilang hydrochloride) 200 mg, ken Midazolam 15 mg.
