Na-rescue iti Filipina-American a ni Chantal Acinoche iti naangay nga engkuwentro ti Philippine Army ken New Peoples Army (NPA) idi Enero 1, 2026 idiay Sitio Mamara, Barangay Cabacao, Abra De Ilog, Occidental Mindoro.
Nataranta ni Chantal iti rinnupak dagiti kakadwa na nga aktibista ken ti militar agingga a nagdulin isuna iti nakali nga abot ti daga.
Kinuna ti 203rd Infantry Brigade Commander a ni Brigadier General Melencio Ragudo a nasarakan da ni Anicoche ti agarop alas dos ti malem ti Huebes, Enero 8.
Segun met kenni Brigadier General Melencio Ragudo, commander ti 203rd Infantry “Bantay Kapayapaan” Brigade, nasarakan da ni Chantal Anicoche nga aglemlemmeng iti nakali a daga, 500 a metro ti kaadayo na manipud iti encounter site.
Ti 24-anyos paylaeng a balasang ket nagturpos ti Bachelor of Science in Psychology idiay University of Maryland, Baltimore County (UMBC).
Maipalagip a karaman iti natay iti engkuwentro ket ti estudyante manipud Pamantasan ng Lungsod ng Maynila a ni Jerlyn Rose Doydora, a pagaammo pay nga aktibo a miembro ti Kabataan Partylist.
Courtesy: 203rd Infantry “Bantay Kapayapaan” Brigade
