Imbatad ni Kabataan Party-List Representative Renee Co a posible a maapektaran ti kinapartak iti proseso ken interpretasyon ti termino a “forthwith” wenno madagdagos a panag-convene ti Senate Impeachment Court kasaruno ti panagbalbaliw iti liderato idiay Senado.
Segun kenni Co, karaman kadagiti posible a mapasamak ket ti pannakatantan dagiti proceedings, panagbaliw iti taray ti panagdengngeg, kasta met ti epekto iti agbalin a resulta ti botos dagiti Senador.
Madanagan met iti mamanday-linteg nu agtalinaed a pay a patas iti panagdengngeg gapo iti ‘political alignment’ ti baro a Majority Bloc.
Nupay kasta ket agtaltalinaed a sentro ti saritaan nu matuloy a napartak ken naannayas ti impeachment trial wenno agtungpal daitoy iti pannakatantan.
