BR LA UNION – Nagbanag iti riribok ken naaddaan ti apagbiit a tensyon iti baetan dagiti rallyista ken pulis iti insayangkat a panagmartsa ken tignay protesta idiay Manila idi kalman, Marso 8.
Indaulwan ti grupo a Gabriela, Kabataan ken dadduma pay a militante a grupo ti nasao a programa.
Maibasar iti inisyal nga impormasyon, nangrugi iti tensyon kalpasan a ginandat dagiti demonstrador nga agmartsa manipud Liwasang Bonifacio agingga iti sangwanan ti US Embassy, ngem dagus a linapdan dagiti otoridad.
Ditoy metten a nangrugi nga ag-riyaw, agpukkaw, nagiduron ken nangdangran iti sumagmaman a miyembro ti militante a grupo.
