LA UNION – Inlawlawag iti hepe ti National Capital Region Police Office (NCRPO) a saan nga overkill iti panangimuntar da ti 23,000 a pulis ken dadduma pay a force multipliers para iti maikatlo nga State of the Nation Address (SONA) ni President Ferdinand Marcos Jr. inton bigat, Lunes, Hulyo 22.
Inlawlawag ni National Capital Region Police Office chief Maj. Gen Jose Melencio Nartatez Jr. nga adda nasurok kumurang a 2,000 VIPs a kas dagiti opisyal ti gobyerno ken diplomats iti agturong idiay House of Representatives para iti SONA bayat nga aganay 8,000 a tattao iti namnamaen a makipaset iti rally iti ruar ti Batasang Pambansa.
Impaganetget ti NCRPO chief a kayat da a masiguro nga agbalin a seamless, smooth ken nakapya iti panag-report iti ili ni President g Marcos.
Immunan nga imbaga ni Nartatez a nanayunan pay ti 1,000 personnel dagiti nai-deploy tapno masiguro iti seguridad iti SONA, isunga iti pakabuklan a bilang dagiti pulis ken government security elements a mai-muntar ket 23,000 .
Iti nasao a bilang, 8,000 law enfrocers iti nadutukan nga agbantay idiay Commonwealth Avenue ken IBP road, a manamnama a pangisayangkatan ti rally dagiti pro-government ken militante a grupo.
Inaramid ti police official iti palawag kalpasan nga imbaga ni Bayan Secretary Mong Palatino nga overkill iti preparasyon ken deployment ti Phil. National Police.
Kabayatanna, nangrugi ita nga aldaw ti Domingo, maysa nga aldaw sakbay ti SONA ket naka-full alert status dagiti otoridad.
Nu full alert, kayatna sawen, adda iti highest level of readiness iti amin a police officers ken units.
