Lima a tattao, pakairamanan ti maysa a driver ti bus, iti naarestar kalpasan a napartuat iti tensyon iti panagprotesta ti Iglesia ni Cristo (INC) asideg ti EDSA People Power Monument idiay Quezon City ita nga aldaw ti Martes, Hunyo 30.
Nangrugi iti insidente idi nangharang ti sumagmamano a bus ti INC iti nagduduma a paset ti EDSA, isu a nagtignay dagiti pulis tapno mapasubli iti taray ti trapiko.
Segun kadagiti otoridad, nagmaniobra iti driver ti bus paabante ken paatras idiay northbound lane asideg ti White Plains, isu a naaddaan ti pannakatantan ti trapiko ken idi agangay ket komprontasyon manipud kadagiti pulis.
Iti biang ti National Capital Region Police Office (NCRPO), naipit ken nadunor ti maysa a babae a pulis, bayat a ti maysa pay ket nadangran.
Kinuna ni Philippine National Police chief General Jose Melencio Nartatez Junior a nainget ti koordinasyon da kadagiti unit iti lugar tapno masiguro iti naannayas a panagresponde iti sitwasyon.
