BR LA UNION – Pinapanaw ti Iglesia Ni Cristo (INC) dagiti supporters ti pamilya Duterte a makipaset iti rally idiay Luneta.
Segun kenni Daniel Nobleza, tagapagsarita ti Reforma Filipina ken Hakbang Maisug, saan ida a pinalubosan ti organizer ti INC rally a tumipon gapu iti panawagan dagitoy nga agebbat ti puwesto ni President Ferdinand Marcos Jr.
Innayon na a saan a kayat ti INC a malaokan ti pulitika iti rally dagitoy.
Kinuna na a dakkel ti respeto na iti INC isunga immakar da laengen iti sabali a lugar.
Gaputi dayta, napilitan ti grupo nga umakar idiay Liwasang Bonifacio.
