Pinasingkedan ti Thailand ken Cambodia iti karida a mangtaginayon iti kappia ken silulukat a komunikasion kalpasan ti trilateral meeting nga indauluan ti Pilipinas iti sidelines ti 48th ASEAN Summit idiay Cebu.
Indauluan ni Presidente Ferdinand Marcos Jr. iti panagtaripnong kaduada Cambodian Prime Minister Hun Manet ken Thai Prime Minister Anutin Charnvirakul, kas paset iti akem ti Pilipinas kas ASEAN chair.
Iti joint press conference, kenuna ni Marcos a nagkaysa dagiti dua a lider iti kinapateg ti panagteppel, agtultuloy a dayalogo, ken natalna a pannakarisut ti tension.
Naangay iti panagtaripnong kalpasan ti kumarkaro a tension iti nagbaetan ti Thailand ken Cambodia gapu kadagiti mapagsusupiatan a teritorio iti asideg ti Preah Vihear temple ken dagiti paset ti Gulf of Thailand.
Nagyaman da Hun Manet ken Anutin iti Pilipinas iti panangidauloda iti saritaan, idinto nga impaganetget ni Anutin iti kinapateg ti panangliklik iti panagsusupiat iti nagbaetan dagiti kabangibang a pagilian.
Inwaragawag pay ni Marcos iti pannakapaatiddog iti mandato ti ASEAN Observer Team (AOT) aginggana Hulio tapno agtultuloy a mamonitor iti pannakaipatungpal dagiti katulagan ti Thailand ken Cambodia.###
