Nagpanawagan ni sigud Catholic Bishops Conference of the Philippines (CBCP) Cardinal Pablo Virgilio David iti publiko nga agbalin a kalmado kabayatan iti temptasyon ti madagdagos a pannakaresolbar ti eskandalo iti binilyon a gatad ti korapsiyon kadagiti proyekto ti gobierno.
Babaen ti homilya na para ti maikatlo a Simbang Gabi, ket imbatad ti Cardinal a tuladen dagiti mamatmati ti aramid ni Joseph a pinili ti pagayatan ti Apo Diyos ngem iti agdaras.
Kinunana a kas kenni Joseph, ti pagilian ket naisagmak ita. Gapo iti sistematikong korapsiyon nga inawagan na a cancer a nagtaud ti binilyon a natakaw ket saan latta nga ak-aklonen dagiti karaman iti eskandalo iti nagbasolan da.
Impaganetget na a napateg ita a panawen iti panaginana, turog, ken panagdengngeg iti inawagan na kas “bulong ng anghel.”
Innayon na pay a ti kasapulan ti agdama a sitwasyon ket ti kaadda ti tured tapno sangwen dagiti banag a kayat ti tattao a masolbar kasaruno ti panagbalin ti am-amin a kalmado.
