Dinutokan ni Pope Francis ni Kalookan Obispo Pablo Virgilio David kas kameng ti Roman Curia.
Segun iti Vatican, naidestino ni David iti Dicastery for the Doctrine of Faith, maysa kadagiti kadaanan a departamento ti Santo Papa.
Kadua ni David a nadutokan da Jaime Spengler, Arsobispo ti Porto, Allegra, Brazil; Ignace Bessi Dogbo, Arsobispo ti Abidjan; Cote d’Voire ken Roberto Repole, Arsobispo ti Turin; ken Obispo ti Susa, Italia.
Trabaho ti Congregation for the Doctrine of the Faith ket ti panangsalaknib iti doktrina ti Katolika ken agbalin a tribunal para iti aniaman a biddut a maibusor iti pammati.
Ti agdama a prefect ti dicastery ket ni Arhentino a Kardinal Victor Manuel Fernandez.
Maipalagip nga idi Oktubre ti napalabas a tawen, dinutokan ni Pope Francis ni David kas maika-10 a kardinal a Pilipino.
Isu pay ti agdama a presidente ti Catholic Bishop Conference of the Philippines a nabutosan met idi 2021.
Inawaganan ti Diocese of Kalookan ti kararag a mangsuporta iti baro a trabaho ni David.
