Maysa a cargo ship iti simadsad iti narabaw a paset ti kabaybayan ti Barangay Matandang Siruma, San Miguel Bay, Camarines Sur idi Agosto 7, segun iti Philippine Coast Guard (PCG).
Maibasar iti report ti Coast Guard District Bicol, natalged ken adda iti nasayaat a kasasaad dagiti 13 a Filipino seafarers a crew ti barko nga LCT Golden Phoenix a nagkarga dagiti construction materials.
Segun iti PCG, dagiti napipigsa a dalluyon ken angin iti nagbalin a rason ti insidente.
Dagos a nagresponde iti Coast Guard ken nakikoordinar iti lokal a gobierno.
Nupay kasta, naitantan iti inisyal nga inspeksyon iti barko gapo iti saan a nasaayat a kondisyon ti panawen.
Awan met iti nailista nga oil spill, ngem agtultuloy iti panagbantay ti PCG iti lugar tapno maliklikan iti posible a polusyon iti kabaybayan.###
