Imbaga ni retired Senior Associate Justice Antonio Carpio a saanen a kasapulan dagiti korte ditoy Pilipinas tapno maipatungpal iti warrant of arrest ti International Criminal Court (ICC) kontra kenni Sen. Ronald “Bato” dela Rosa.
Segun kenni Carpio, sakop ti international law iti crimes against humanity isu a mabalin a denggen daytoy ti ICC uray awan ti direkta a pammalubos manipud iti lokal a korte. Nakalanad met iti Konstitusion a bigbigbigen ti Pilipinas dagiti prinsipyo ti international law.
Inayonna pay nga iti sidong ti Republic Act No. 9851, addaan bileg ti gobyerno ken ti presidente a mangdesisyon no isuko iti ICC ti akusado wenno usigen ditoy Pilipinas.
Malagip nga inbasura ti Korte Suprema idi Mayo 13 iti kiddaw ni Dela Rosa para iti temporary restraining order (TRO) a maibusor iti posible a pannakaipatungpal ti ICC warrant. Para kenni Carpio, pammaneknek daytoy a mabalin nga ituloy dagiti iti panag-aresto.
Sangsanguen ni Dela Rosa iti warrant of arrest ti ICC mainaig iti alegasyon ti crimes against humanity a konektado iti kampanya kontra iti ilegal a droga kabayatan ti administrasyon ni sigud a Presidente Rodrigo Duterte.###
