BR LA UNION – Pumigpigsa ti Hurricane Melissa bayat nga adda idiay North Atlantic Ocean ken dup-dupagen na iti pagilian a Jamaica ken Haiti.
Segun kadagiti U.S. forecasters, iti sumaganad nga oras, pumigsa pay ti Hurricane Melissa ket agbalin a Category 5 ti status, sakbay nga ag-landfall idiay Jamaica.
Kabuy-buyog ti bagyo iti mala-delubyo a kapigsa ti angin nga umabot iti 230 kph.
Pagdan-danagan a ti nasao a bagyo ket mangigubway ti catastrophic flashfloods ken landslides.
Iti sentro ti bagyo Melissa ket naudi a nakita iti kaadayu a 115 miles (185 kilometers) abagatan abagatan-a-laud ti Kingston, Jamaica wenno 295 miles (475 kilometers) abagatan abagatan-a-laud ti Guantánamo, Cuba.
Segun iti hurricane center, iti namnamaen nga ibuyat na a tudo ket agingga 30 inches (760 millimeters) idiay Jamaica ken southern Hispaniola, partikuilar idiay Haiti ken Dominican Republic.
Iti dadduma a lugar ket posible a napipigsa pay ti tudo nga umabot ti 40 inches wenno 1,010 millimeters a tudo.
