BR LA UNION – Pinagyamanan ni US President Donald Trump iti Egypt , Tukiye ken Qatar gapu iti panagserbi da a rangtay tapno maipursige ti ceasefire deal idiay Gaza.
Iti apagbiit a biyahe ni Trump idiay Egypt, kadwa na a nagpirma iti katulagan para iti panangipatungpal ti ceasefire deal iti baetan ti Israel ken Hamas.
Innayon na pay a naaddaan ti napintas a resulta iti ceasefire iti baetan ti Israel ken Hamas.
Inpanakkel na nga adu ti saan a mamati a saan a matuloy iti ceasefire ngem gapu iti panagpursige ket naipatungpal daytoy.
Immuna a nagturong ni Trump idiay Israel ken pinagyamanan na dagiti lider sadiay gapu iti panangsungbat da ti ceasefire.
Rinuk-atan metten ti Hamas dagiti 20 a kawtibo da kasukat ti aganay 2,000 nga inaresto ti Israel.
