Imbandera iti social media ti veteran actress a ni Charo Santos-Concio nga isuna itan ket naan-anayen a nagbalin a reservist ti Philippine Air Force (PAF).
Inbinglay ti aktres ti sumagmamano a ladawan iti graduation rites na, suot iti military uniform ken nakaawat pay isuna iti certificate of completion kagiddan dagiti sabali pay a graduates.
Segun iti aktres, maysa nga achievement a napalpas na iti short-term military course.
Kinunana a ti panagsali iti military course ket nakatulong kenkuana a maam-ammo pay ti pudno a kayat a satwen ti “love for the country.”
Pinagyamanan met ni Charo Santos dagiti tao a nakapalikmut kenkuana a timmulong ken nagtalek a mapalpas na iti kurso.
