Inakusaran ti Embahada ti China a nakabase sadiay Maynila ni US Ambassador to the Philippines MaryKay Carlson iti panagtagi-awan na iti pudno ken panangiwaraws ti saan nga umiso a naratibo wenno ‘false narrative’ mainaig iti close encounter ti Chinese Navy helicopter ken Bureau of Fisheries and Aquatic Resources (BFAR) aircraft sadiay Bajo de Masinloc idi Martes, Pebrero 18.
Inaramid ti Embahada ti waragawag kalpasan a kondenaren ti US Ambassador ti napeggad a maniobra ti Chinese Navy helicopter, nu sadino ket tallo a metro laengen ti kaasideg na manipud iti PH aircraft kabayatan ti routine maritime patrol na iti nasao a kabaybayan.
Nagpanawagan pay ni Ambassador Carlson iti China nga talnaanen dagiti coercive actions dagitoy ken risuten dagiti disputes iti nakapia a wagas a maiyannurot iti international law.
Nupay kasta, impaganetget ti Chinese Embassy a nangisayangkat laeng ti puwersa da ti lehitimo nga operasyon idi kano simrek ti eroplano ti Pilipinas iti territorial airspace da nga awanan iti pammalubos.
Innayon da pay nga aniaman a rhetoric wenno aksiyon a mangpapapigsa ti pakinakem ti Pilipinsa tapno itultuloy ti ilegal a territorial claims babaen ti probokasyon ken “staged incidents” ket awan iti bileg na.
Kinuna ti Philippine Coast Guard nga iti insidente sadiay Scarborough shoal, nga adda met iti uneg ti 200 nautical miles ti exclusive economic zone ti pagilian ket napeggad nga aksyon ti China iti mapagsusupiatan a baybay.
Daitoy ket nangikabil iti peligro kadagiti nakalugan iti BFAR aircraft nga CG personnel ken dagiti journalists.
