BR LA UNION – Pinapigsa pay ti gobyerno ti Pilipinas nga agbantay ken transparency measures idiay West Philippine Sea bayata a nagballaag dagiti eksperto a mabalin a paset ti longterm plan ti China iti panagaramid ti artificial island idiay Bajo de Masinloc wenno Scarborough Shoal.
Segun kenni Philippine Coast Guard spokesperson for the West Philippine Sea Rear Admiral Jay Tarriela, agtaltalinaed iti lugar dagiti barko ti China, argaman ti movable floating platform, boya ken antenna-like equipment nga impaganetget ti Beijing a maipagarop a paset ti lehitimo a marine scientific research.
Kinuna met ni Tarriela nga agtultuloy iti maritime surveillance flights ken panagdeploy ti Coast Guard vessels tapno bantayan ken kuwestiyunaran iti presensya ti dua a Chinese research vessels iti uneg ti shoal.
Kinuna na a tarigagay ti transparency campaign nga ipakaammo iti international community dagiti mapaspasamak idiay Bajo de Masinloc ken malapdan ti anyaman a gandat a panangipasdek ti mas permanente a presensya ti China iti lugar.
Immunan a siniguro ni President Ferdinand Marcos Jr. a saan nga ipalubos ti gobyerno nga aramiden a man-made island iti Bajo de Masinloc gaputi amak a maulit iti inaramid ti China iti dadduma pay a pagin-innagawan a teritoryo.
