BR LA UNION – Kinumpirma ti People’s Liberation Army Southern Theater Command ti China ita nga aldaw ti Sabado, Agosto 1, a nangisayangkat da ti joint air ken naval combat drills iti pagin-innagawan nga Scarborough Shoal.
Naisayangkat ti nasao a panagpatroliya iti tangatang ken kadanuman ti shoal, nga aw-awagan ti China kas Huangyan Dao.
KInuna da a kayat da a padasen ken pasayaaten iti combat readiness ti pwersa ti China tapno depensaan iti national territorial sovereignty ken maritime rights.
Inladawan pay ti Chinese military ti nasao a drill kas maysa a maiparbeng a sungbat kadagiti addang ti sumagmamano a pagilian a maipagarop a mangdad-dadael iti kinakapya ken kinatibker iti rehiyon.
Nupay awan ti dinakamat nga anyaman a pagilian, iti Pilipinas ket adda claim na iti nasao a kabaybayan nga aw-awaganna ti Bajo de Masinloc wenno Panatag Shoal a sakop ti exclusive economic zone ti pagilian.
Iti agdama, awan pay iti inruar a komento iti Chinese Embassy idiay Manila ken uray iti biang ti Pilipinas seknan iti insayangkat a military exercises ti China iti disputed water.
